Erste Erhebungsorte abgeschlossen

Lei weiße Rosen

Da Wastian im Gitschtal drin

will ah amal an Urlaub buachn.

Er möchte halt amal in Berlin

durt seine Summergäscht besuachn.

Bei Schultes, seine Summergäscht,

werd er recht nobel einquartiert,

und af de Nacht ben Schützenfescht,

da werd getanzt und dischgeriert.

Wia se gemüatlich in da Rund

in an Lokal so zsamm tuant sitzen,

da siecht er gach in spater Stund

an Bluamenlotter¹ umharflitzen.

»Wer möchte Rosen, meine Herrn,

ganz frische Rosen für die Damen?

Ja, Rosen haben alle gern,

sie geben erst den rechten Rahmen!«

Da Wastian, der waß genau,

daß de Frau Schulte weiße möchte,

deswegn will er hiaz da Frau

ah ane kafn, eppa decht.

Er tuat en Lotter zuacherwinkn:

»Gebn S‘ her an groaßn Buschn gschwind!

Heunt müaß‘ ma Bruadaschaft noch trinkn.

Auf du und du, mein schönes Kind!«

Dann sagg zen Lotter er noch leise:

»A Tag wia heunt muaß gfeiert wern.

Klaubn S‘ außer zechne, doch lei weiße,

de hat de Frau da bsunders gern.«

»Dat würde Ihnen so jefallen«,

mant drauf da Lotter, »ne, mein Herr;

die müssen Sie mir schon bezahlen.

Leihweise geb ick keene her!«

¹ Bluamenlotter = Blumenverkäufer